女人眼中最差勁嘅性經驗

正所謂「知己知彼，百戰百勝」，各位男士有冇諗過自己係咪真係可以為性伴侶帶嚟快樂？經常學習正確嘅性知識固然重要，但從另一個角度睇，女士哋講出佢哋最差勁嘅性經驗亦都可以係一個學習。差勁性經驗，男人可能唔想面對嘅事實。
一、尺碼最重要
「佢係我認識嘅男人之中最好嘅一個，同佢一齊好甜蜜。可惜，佢嘅 size 只有我小指咁細，再努力都只可能變成拇指咁大，如果佢唔係咁細，我將會得到最好嘅享受。可惜世事冇咁完美，對唔住，佢真係太細喇。」

評語：尺碼問題從來都係困擾男人嘅所在，若真係太細嘅話，唯有喺其他方面補救，多啲甜蜜嘅語言同多花啲心思喺浪漫嘅環境之中，或者喺前戲方面努力多啲，借以彌補先天嘅不足。
二、請勿騷擾
「我同男友都係急性子，有一次以為屋企無人，我哋連房門都未閂就做起嚟，仲用上咗後進式，正當我哋非常投入嘅時候，我媽媽突然直沖入嚟並驚叫咗一聲。真係尷尬死咗。自始以後佢就唔敢再嚟我屋企喇。」
評語：想減少呢啲尷尬場面，當然最好事前確保揀一個合適嘅地方，二人世界嘅環境係必須嘅，否則搵一間好嘅情侶酒店亦未嘗唔係一個好方法。小心駛得萬年船呀！

三、錯用女性避孕套
「嗰次係我哋第一次用女性避孕套，絕對係一次好差嘅經驗。起初男朋友話佢好似一個細細嘅膠袋，方便易用，其實好難先可以放入體內。總之感覺就係怪怪地，而且仲會發出好似擠壓膠袋時嘅怪聲，嗰次真係做得好難受。若男人認為 condom 唔好，女裝 condom 就更差幾倍。」
四、道具添情趣
「男友話性玩具可以增添快感，做愛時可以更加快樂。邊知嗰支玩具效果太差，而且男友又唔太識用，搞到我好唔舒服，唔單止冇快感，反而因為佢而吵咗一場大架。」
評語：成日話情具可以增加男女嘅性趣，不過重點係用得其所，而唔係盲從附和，請喺購買同使用前，問清楚正確嘅使用方法係最基本嘅事。而更重要嘅係考慮清楚女方係咪真係可以接受，又或者事前溝通清楚，否則只會弄巧成拙。

五、大唔一定好
「我嘅初戀情人身型健碩， body shape 簡直最完美。而佢嘅亦真係好大，所以我哋嘅初次接觸始終未能完成。嘗試過三次姿勢後都唔能夠成功，不過最差嘅係佢對性嘅態度，佢有 ‘ 我嘅嘢好大性能力好強 ’ 嘅自大狂，老實講女仔願意有性關係並唔等於佢係淫娃蕩婦。」
六、意外隨時發生
「我最尷尬嘅一次就係向朋友查問事後避孕嘅資料。因為一時沖動而要我尷尬噉面對，就算畀多一次機會我，都會預先做好安全措施，唔使事後提心吊膽。」
評語：安全性行為係值得提倡嘅，要知道意外係隨時都會發生嘅，不如事前做好預防措施，再沖動亦只需幾秒鐘去戴安全套，唔係咁短嘅時間都等唔到啦？因為除咗懷孕之外，仲會染上其他嘅傳染病，仲係安全性愛好啲！
七、最怕貨比貨
「我同上一個男朋友原本好好，我好中意佢，但係當我哋第一次發生性關係之後，竟然有意無意間將我同佢嘅舊情人相比。一次我忍咗，但係兩次、三次都係咁，你話我小氣都好，我決定唔再同佢一齊。」
評語：講過好多次，女人最怕被男性拎嚟做比較。何況最親密嘅性接觸竟然被對方用嚟同前度女友相比，噉樣做同自殺基本上分別唔大。想擁有美好嘅性生活，切忌亂講嘢，用自己嘅大腦想像一下都知，何必多嘴呢？

八、表裡不一
「我上一個情人，外表有型有款，相貌亦稱得上好有男人味。但第一次同佢愛，當佢脫咗外衣之後，我見到佢嗰條又破又舊，仲有汙漬嘅內褲，興致大減，完全冇咗興奮嘅心情。呢一次嘅經驗實在令我覺得好差。」